Mjeku Nikolla Panovski për ‘Kanal 5’ thotë se uji në liqen është i sigurt, për shkak se mikroorganizmat në ujë po shpërndahen.

Ai thotë si gjithkund ashtu edhe në plazh se duhet të mbahet largësia trupore për t’u parandaluar infektimi me coroanviurs, dhe nëse nuk mund të mbahet largësia trupore atëherë duhet të përdoret maska, përcjell Telegrafi Maqedoni.

Tani për tani, për shkak se plazhet në Maqedoni janë thuajse të boshatisura, është lehtë të mbahet largësia trupore, por problemi është kur do ketë më shumë njerëz.

Mjeku Panovski sqaron se duhet të ketë edhe protokoll dhe të ketë kontroll për të mos pasur grupime apo kontakte të afërta mes njerëzve.

Nga Komisioni për Sëmundje Ngjitëse thonë se protokoll për plazhet ka, por për këtë do të diskutohet javën e ardhshme.